Koreja e Veriut i cilësoi sot si një akt lufte sanksionet e reja të votura të premten nga Këshilli i Sigurimit të OKB-s kundër programeve bërthamore dhe balistike.
“Ne hedhim poshtë sanksionet e fundit të OKB-së (…) si një prekje e dhunshme e sovranitetit të Republikës tonë dhe një akt lufte që shkatërron paqen dhe stabilitetin e gadishullit korean dhe rajonit”, deklaroi Ministria koreano-veriore e Punëve të Jashtme në një komunikatë të publikuar nga agjencia zyrtare e lajmeve KCNA.
Këshilli i Sigurimit të OKB-së ashpërsoi të premten sanksionet kundër Koresë së Veriut duke votuar me unanimitet për një rezolutë amerikane që godet naftën dhe çështjen e punonjësve koreano-verior që punojnë jashtë vendit.
Bëhet fjalë për paketën e nëntë të sanksioneve të OKB-së, shumë drastike kundër Phenianit.
Tre të fundit janë miratuar këtë vit nën ndikimin e amerikanëve pas provave të raketave dhe një testi bërthamor të kryer nga Koreja e Veriut.
