Forcat izraelite bashkë me shumë forca të tjera ndërkombëtare janë në Shqipëri për të vlerësuar dëmet e shkaktuara nga tërmeti katastrofik i 26 nëntorit, që solli 51 të vdekur, qindra të plagosur dhe mijëra ndërtesa të rrënuara. Ditën e sotme, izraelitët kanë vizituar familjen e një ushtaraku me origjinë shqiptare, që shërben në forcat ushtarake të Izraelit.
Shqiptari nuk kishte mundur të vinte pranë familjes së tij në këto momente të vështira, por kolegët izraelitë e kanë siguruar se prindërit e tij janë shumë mirë.
Njësia e Forcave të Armatosura të Izraelit po kujdesen për prindërit e kolegut të tyre.
