Negociatat mes Tiranës dhe Athinës, të ngrira prej shumë kohësh duket se po shkojnë drejt normalizimit. Pas situatës së krijuar nga tërmeti i 26-nënorit, ku Greqia ishte një nga shtete që shprehu gatishmërinë me ndihma, së fundmi, ministri i Jashtëm grek Nikos Dendias, i cili në një intervistë për mediat greke tha se do të takohet edhe me ministrin e Jashtëm të Shqipërisë, Gent Cakaj.
“Shefi i diplomacisë greke ka deklaruar se ditët e ardhshme do të takohet me homologët e tij nga Franca dhe Holanda, në një përpjekje për t’i bindur se Shqipëria dhe Maqedonia e Veriut meritojnë hapjen e negociatave për anëtarësim. Dendias e ka cilësuar si objektiv strategjik të Athinës anëtarësimin në BE të vendeve të rajonit”, thuhet në mediat greke.
Dendias prej kohësh ka garantuar se Athina do ta vazhdojë politikën mbështetëse për Shqipërinë dhe Maqedoninë e Veriut për hapjen e negociatave të anëtarësimit, që në tetor u shtynë për një afat të pacaktuar.
Ministri i Jashtëm grek njoftoi se të hënën, më 9 dhjetor, ai ka ftuar homologët e tij nga Tirana dhe Shkupi në një mëngjes pune, për të diskutuar bashkarisht mbi këtë çështje.
