Kanali shtetëror grek “ERT” ka organizuar një maratonë televizive për shqiptarët, ndërkohë që mbledhja e eurove do të vijojë deri të dielën.
Me mbështetjen e vetë Kryepeshkopit të Tiranës, Durrësit dhe Shqipërisë, hirësia e tij Anastasios, programi maratonë “zinxhir mbështetje për Shqipërinë” bën thirrje që gjithë populli grek, që prej ditësh është solidarizuar plotësisht me popullin shqiptar, të depozitojë ndihma.
Maratona televizive do të vazhdojë deri mesnatën e së dielës, me synimin që nëpërmjet fondeve të ndërtohen shtëpi për shqiptarët e prekur nga tërmeti.
