Kryeministri Edi Rama jep një tjetër mesazh në “Facebook” për tërmetin e fuqishëm, që goditi vendin, duke marrë shumë jetë njerëzish.
Kreu i qeverisë publikon videon, ku tregohet momenti i shpëtimit të nënës 30-vjeçare nga rrënojat e një pallati në Durrës, ndërsa bija e saj 8-vjeçe humbi jetën.
“MIRËNJOHJE PËR HERONJTË e kësaj dite të paharrueshme dhimbjeje kombëtare, njerëzit e zakonshëm që shërbejnë nën uniformën e Policisë së Shtetit, të Forcave të Armatosura, të Urgjencës Kombëtare Shëndetësore, të Zjarrfikëseve; Bluzat e Bardha, që aq rëndom i përgojojmë si s’ka më keq në ditët me diell dhe që prej orësh të gjata po shpëtojnë jetë e po kurojnë plagë të rënda;
Trupat Speciale të Kosovës, të cilat u bënë sot shembëlltyra heroike e bashkimit në dhimbje e në sakrificë të kombit tonë; forcat njerëzore të ardhura nga vendet mike, që vazhdojnë të zbarkojnë edhe tani në aeroportin e Rinasit, për të bashkuar fuqinë e eksperiencës e të solidaritetit të tyre, në një betejë këmbëngulëse e cfilitëse, në kërkim të jetës që ende merr frymë nën gërmadhat e natës më të keqe që kemi kaluar si popull prej kushedi se sa vitesh…”, shkruan Rama.
.
Gepostet von Edi Rama am Dienstag, 26. November 2019
