Brenda 30 ditëve Shqipëria do të ketë emrin e ri të Prokurorit të ri të përgjithshëm me mandat të plotë 7-vjeçar. Këshilli i Lartë i Prokurorisë do të dërgojë sot në Kuvend listën me tre kandidatët për Kryeprokuror. Pas intervistimit nga KLP-ja dhe renditjes së kandidatëve, nuk pati asnjë ankesë. Tashmë emrat do i shkojnë Kuvendit për të zgjedhur mes tre kandidatëve.
I pari në listë u rendit prokurori Olsian Çela me 459 pikë, ndjekur nga kryeprokurorja aktuale me mandat të përkohshëm Arta Marku me 406 pikë dhe prokurorja Fatjona Memçajm me 362 pikë. Prokurori i Përgjithshëm do zgjidhet me tre të pestat e votave.
Nëse parlamenti dështon në zgjedhjen e njërit prej tre kandidatëve, brenda 30 ditëve nga marrja e propozimeve, atëherë emërohet automatikisht ai që është i renditur i pari në listë, Olsian Çela.
