Janë vënë në pranga ditën e sotme dy vëllezër nga Pogradec.
Policia bën me dije se bëhet fjalë për E.M, 29 vjeç dhe D.M., 24 vjeç (vëllezër) banues në fshatin Buçimas, Pogradec.
Të dy vëllezërit kanë kërcënuar një 21-vjeçar që të mos denonconte në polici, një sherr që ata kishin pasur me të riun dy muaj më parë.
Sherri ka ndodhur në shtator në rrugën e Tushemishtit, ku të tre ata janë përfshirë në një konflikt fizik, ku dy vëllezërit më pas edhe i kanë sulmuar makinën të riut.
Për këtë ngjarje, policia thotë se materialet në ngarkim të tyre i kaluan Prokurorisë të Rrethit për veprime të mëtejshme hetimore.
