Katër janë personat e arrestuar nga policia e Vlorës ditën e sotme të dyshuar si bashkëpunëtorë në atentatin që tronditi qytetin e Vlorës më 10 maj 2019, ku mbeti i plagosur i riu Inez Hajrulla, person me precedentë penalë, i cilësuar nga blutë si person me të kaluar kriminale. Ky i fundit humbi të dyja këmbët në atentatin që iu bë në lokal.
I riu i shpëtoi breshërisë së plumbave të atentatorëve, të cilët qëlluan në distancë nga një automjet, ndërsa Hajrulla ndodhej i ulur në lokal bashkë me disa miq të tij.
Nga kamerat e sigurisë, por dhe nga gëzhojat, Policia arriti në përfundimin se 26-vjeçari u ishte përgjigjur me zjarr autorëve.
Hajrulla është shtetas me precedentë të theksuar kriminalë si edhe i dënuar më parë për disa vepra të ndryshme penale në fushën e krimeve kundër personit, vjedhje me dhunë dhe trafikim të mjeteve motorike.
25 vjeçari Hajrulla, është i afërm me Renato Imerin i vrarë në datë 31 korrik pranë një lokali në Lungomare. Gjithashtu ai është kushëri edhe Endri Çaushit i vrarë në Durrës para disa vitesh.
