Zvedëskryetari i Bashkisë së kryeqytetit, Arbian Mazniku, është pjesë e emisionit “Real Story”, ku si temë qendrore diskutimi është ndërhyrja e sotme e policisë së shtetit ndaj banorëve protesues të Astirit dhe prishja e më shumë se 30 objekteve nga IKTMN.
Duke iu kundërvenë të ftuarve të tjerë në studio, të cilët e vlerësuan si të nxituar veprimin e institucioneve shtetërore, Mazniku e justifikoi ndërhyrjen e policisë si masë për të zhbllokuar rrugën, në të cilën punohej.
“Bllokimi i rrugës? Ishte normale që njerëzit të mos kalonin për sa kohë që ishte duke u punuar dhe ishte një masë sigurie. Nëse ngrihet dorë mbi shtetin, shteti ka monopolin. Nuk mund të goditen njerëzit. Në demokraci ndiqet rruga institucionale. Ata njerëz kanë qenë të “yshtur” politikisht”, ka artikuluar në ligjëratë të drejtë Mazniku.
