AKSIONI PËR SHEMBJEN E BANESAVE NË “ASTIR”/ Mobilizohen forcat e rendit, “paralizohet” qarkullimi…

Aksioni i IKMT në zonën e Astirit për prishjen e banesave ka ‘paralizuar’ tërësisht lëvizjen në këtë zonë mëngjesin e sotëm. Në zonë janë vendosur forca të shumta të policisë bashkiake dhe asaj të rendit për të garantuar mbarëvajtjen e aksionit të shembjes së banesave dhe për të shmangur përplasjet e banorëve dhe aktorëve politikë të djathtë me punonjësit e IKMT. Si rrjedhojë ata kanë bllokuar qarkullimin në këtë zonë si për mjetet por edhe për qytetarët që përdorin këtë rrugë për të kaluar.