Pesë shtete dhe 1384.42 km. Kjo është “sakrifica” që “Milan Club Dublin” do të bëjë për të asistuar të shtunën në supersfidën e vlefshme për javën e 11-të të Serisë A mes Milanit dhe Juventusit.
Të themeluar tri vite më parë, ky grupim tifozësh kuqezi nga Irlanda do të festojnë njohjen zyrtare nga ana e Shoqërisë Milan me një vizitë në “San Siro” për ndeshjen e së shtunës. I njëjti grupim do të vazhdojë udhëtimin drejt Athinës për të asistuar edhe në transfertën e skuadrës së Montelës ndaj AEK-ut të Athinës të enjten e 2 nëntorit.
Për transfertën në tokën helene, distanca prek 3800 km dhe në itinerar shtohen edhe pesë shtete të tjera. Për një total prej 10 mijë km nuk duket keq si provë e parë dashurie…
