Në vitin 2017, vrasja e gazetares malteze Daphne Caruana Galizia në një atentat me bombë, tronditi jo vetëm Maltën por mbarë botën.
Pas dy vitesh hetime, hetuesit kanë arritur në përfundim se ky krim të çon pikërisht në vendin tonë, Shqipëri.
Sipas medias malteze, “Timeformalta”, hetuesit besojnë se dy nga “kriminelët më të rrezikshëm të Maltës” mund të kenë përdorur kontaktet e tyre me nëntokën shqiptare për të blerë një pjesë të bombës të përdorur për të vrarë gazetaren Daphne Caruana Galizia.
Dy burime të përfshira në hetim i thanë “The Sunday Times të Maltës” se pjesë të pajisjes shpërthyese të përdorur për të vrarë gazetaren e ndjerë ishin janë “thuajse identike” me atë të përdorur në një shpërthim të mëparshëm me bombë në shkurt 2017, shkruan dritare.net
Dy vëllezërit e arrestuar dihet se kanë kontakte me krimin e organizuar në Shqipëri, dhe policia po hulumton mundësinë që ky shtet është burimi i makinës bombë.
Ishte një hetim italian që zbuloi shtrirjen e lidhjes së të dyshuarve me botën e krimit shqiptar.
Një burim i lartë hetimor tha se kishte informacione të tjera që çonin policinë të besonte se pajisja shpërthyese mund të ketë ardhur nga Evropa Lindore, shkruan dritare.net
Degiorgio dhe George Alfred janë vëllezërit që besohen të jenë lidhur me mafian shqiptare.
Të dyshuarit gjithashtu përshkruhen si figura udhëheqëse në botën e dhunshme kriminale të Maltës dhe ishin të lidhur me “të paktën dy” vrasje të tjera.(dritare.net)