Ankaraja ka sulmuar trupat siriane në veri të Sirisë, afër kufirit me Turqinë. Sipas Observatorit Sirian për të Drejtat e Njeriut, të paktën 7 luftëtarë besnikë dhe 4 militantë rebelë u vranë. Përplasjet disa orë pas skadimit të armëpushimit.
Sipas Observatorit Sirian për të Drejtat e Njeriut, so në mëngjes, forcat e Ankarasë sulmuan trupat e Asad me predha artilerie. Këto janë “luftimet e para” midis dy palëve që nga fillimi i ofensivës së Ankarasë për të përzënë kurdët jashtë ‘zonës së sigurisë’.
Përleshje të tjera janë raportuar midis kurdëve të Forcave Demokratike Siriane dhe forcave të Asadit nga njëra anë dhe milicive të Ankarasë nga ana tjetër.
Sipas Observatorit, të paktën 7 luftëtarë besnikë dhe 4 militantë rebelë janë vrarë.
Përplasjet me armë ndodhin disa orë pas skadimit të armëpushimit të rënë dakord nga Turqia dhe Rusia për tërheqjen e milicive kurde të paktën 30 km nga e gjithë vija e kufirit turk.
Sipas Observatorit Sirian për të Drejtat e Njeriut, luftëtarët rusë kanë bombarduar qytetet Marzita dhe Marat Harmah, në periferi të Idlib, në veri të Sirisë.
Presidenti turk Rexhep Tajip Erdogan, me rastin e 96 vjetorit të themelimit të Republikës Turke, lëshoi një paralajmërim: “Askush nuk duhet të na nënvlerësoi”- tha ai.
Një delegacion ushtarak nga Moska ka qenë në Ankara nga dje, për të diskutuar hapat e ardhshëm në koordinim midis dy ushtrive në Siri.
Sipas marrëveshjes së arritur në 22 tetor midis presidentit rus Vladimir Putin dhe Erdogan, Rusia do të garantojë braktisjen e zonës nga militantët kurdë.
