Gara për kryeprokuror, më 11 nëntor KLP interviston tre kandidatët. Gazetari i Report Tv, Arsen Rusta raporton se pas dy javësh do të zhvillohen intervistat publike nga KLP për kandidatët Olsian Çela, Arta Marku dhe Fatjona Memçaj.
Tashmë rruga është e hapur për përzgjedhjen e Prokurorit të ri të Përgjithshëm, pasi prej dy vitesh Arta Marku qëndron në krye të institucionit të Prokurorisë së Përgjithshme si e përkohshme. Tre kandidatët, do të prezantojnë platformën e dhe strategjinë e tyre si dhe do i përgjigjen pyetjeve të trupës së Këshillit të Lartë të Prokurorisë.
Zyrtarisht tre janë kandidatët të cilët mund të bëhen Prokurori i Përgjithshëm, Olsian Çela, Arta Marku dhe Fatjona Memçaj. I katërti, Lulzim Alushaj u skualifikua nga KLP por edhe pse ankimoi vendimin dhe e paditi institucionin, Gjykatën Administrative të Apelit e rrëzoi duke zhbllokuar ngërçin e krijuar pikërisht nga Alushaj në garën për kryeprokuror.
