Deri më tani ende nuk e kemi parë stinën e vjeshtës. Muaji tetor me temperaturat e tij, i ngjau një stine pranvere, por tashmë kësaj i ka ardhur fundi. Temperaturat e ngrohta dhe kthjellimet bënë që shumë njerëz t’i drejtoheshin bregdetit, megjithatë situata pritet të ndryshojë.
“Edhe java tjetër nis e kthjellët me rënie graduale të temperaturave por të mërkurën dhe në vijim ditët e para të nëntorit, priten reshje në territor. Po ashtu, temperaturat vijojnë të ulen duke shënuar rreth 6-7°C më pak, se vlerat e kësaj fundjave”, njofton Meteoalb.
