Alvin Berisha është bërë kryefjala e mediave për disa kohë si në mediat shqiptare por edhe në ato italiane . Së fundmi në rrjet është përhapur një lajm që kampi Al Hol në Siri ku ai po mbahet, u mor për disa kohë nën kontroll nga gratë e terroristëve, anëtare të shtetit islamik al-Hisbah, të urdhëruara nga grupe të ISIS.
Por së fundmi për fatin e Alvini një lajm i mirë është bërë publik nga gazetari Taulant Kopliku, i cili shkruan se vogëlushi i cili u mor nga nëna e tij në Siri dhe që pas vdekjes së saj mbeti në kampin famëkeq Al Hol, tashmë është nën kujdesin e organizatës ‘Save the Children’. Gazetari shkruan se ai ka kontaktuar me një nga vullnetaret e organizatës dhe ajo i ka thënë se po kujdesen për Alvinin.
“Ka qe dje qe qarkullon ne mediat shqiptare ky lajm. Normal eshte shqetesues dhe merr vemendjen e duhur nga opinioni i nje vendi qe ka shtetasit e tij (femije) atje.
Por fatmiresisht brenda lajmit te keq ka edhe lajme te mira. Ne te vertete ka patur perplasje te vazhdueshme ne kamp dhe kjo ka ndodhur edhe para nderhyrjes turke. Djegia e çadrave, vrasjet me arme te ftohta apo dhuna mes grupeve dhe etnive kane qene prezente rregullisht ne kamp. Kjo nuk do te thote se ISIS mori kontrollin e Al Hol.
Per te hyre ne teme. Sapo u informova nga Ada, vullnetarja e Save The Children ne kamp. Edhe sot ajo e ka kontaktuar Alvinin i cili eshte nen kujdesin e kesaj organizate. Ne sektorin ku ndodhet i vogli, nuk ka as me te voglin problem nga ata qe po shkruhen ne media. Kam bindjen se shume shpejt do kemi lajme te mira. AlvinNeShtepi”, shkruan Kopliku”, ka shkruar ai.
Fondi Save the Children, u krijua në Mbretërinë e Bashkuar në 1919 për të përmirësuar jetën e fëmijëve përmes arsimit më të mirë, kujdesit shëndetësor dhe mundësive ekonomike, si dhe duke siguruar ndihmë emergjente për fatkeqësitë natyrore, luftën, dhe konflikte të tjera.
Ndërkohë për kthimin e Alvinit pranë babait të tij që jeton në Itali është angazhuar edhe qeveria shqiptare, ku vetë kryeministri Rama i ka premtuar babait Afrim Berisha se do të bëhet gjithçka që Alvvini të kthehet sa më parë.
