Shkencëtarët zbuluan se ti mësosh minjtë sesi ti japin makinave të vogla, i ndihmon ata të ndihen më pak të stresuar.
Kërkuesit në Universitetin Richmond në Amerikë mësuan një grup prej 17 minjsh sesi ti jepnin makinave të vogla plastike, në këmbim të drithërave.
Studimin e drejtoi Dr Kelly Lambert i cili tha se minjtë ndiheshin më të qetë gjatë kësaj detyre, një zbulim që mund të ndihmojë me zhvillimin e trajtimeve jo farmaceutike për sëmundjet mendore.
Minjve nuk ju kërkua që të bënin një provim patente në fund të studimit.
Si mësuan minjtë ti jepnin makinës?
Dr Lambert dhe kolegët e saj ndërtuan një makinë të vogël elektrike duke bashkuar një kavanoz plastik me një pjatë alumini, dhe duke i vendosur rrota.
Një tel bakri u vendos horizontalisht përreth kavanozit-për të formuar tre shufra,majtas, djathtas dhe në qendër.
Për ti dhënë makinës, miu duhet të ulet në pjatën e aluminit dhe të prekë telin e bakrit. Qarku do të ishte i plotë, dhe kafsha do të zgjidhte drejtimin që do donte të udhëtonte.
Pas muaj trajnimesh, minjtë mësuan jo vetëm të bënin makinën të lëvizte por gjithashtu të ndërronin drejtimin, shkruan kërkuesit në gazetën Behavioural Brain Research.
Disa nga minjtë në eksperiment ishin të rritur në laborator, dhe disa të tjerë jetonin në një habitat më natyral. Këto të fundit ishin shoferë më të mirë.
Pas provave, kërkuesit mblodhën fekalet e minjve për ti testuar për hormonin e stresit corticosterone, gjithashtu për dehydroepiandrosterone dhe hormonin anti-stres.
Të gjithë minjtë kishin nivele më të larta të dehydroepiandrosterone, gjë për të cilën shkencëtarët mendojnë se lidhet me kënaqësinë e të mësuarit të një aftësie të re.
Minjtë e kontrollonin makinën duke prekur pjesë të ndryshme të telit të bakrit.
Dr Lambert i tha agjencisë së lajmeve AFP që zbulimet mund të jenë të dobishme për kërkime të ardhshme në trajtimet për gjendje të ndryshme psikiatrike.
“Nuk ka kurë për skizofreninë dhe depresionin, dhe ne duhet të tentojmë,” tha ajo.
“Unë mendoj që ne duhet të studiojmë modele të ndryshme kafshësh dhe lloje të ndryshme detyrash dhe të respektojmë atë sjellje që mund të ndryshojë neurokiminë.
