Organizata e Kombeve të Bashkuara (OKB) projekton rritjen e ekonomisë shqiptare në 3.8% edhe gjatë vitit 2018.
Raporti i projeksioneve dhe perspektivës së ekonomisë globale për 2018-ën tregon se Shqipëria së bashku me Malin e Zi janë dy ekonomitë me rritjen më të shpejtë gjatë vitit të ardhshëm, ndërkohë që, gjatë 2019-ës rezulton se, Shqipëria do të jetë ekonomia me rritjen më të shpejtë në rajon.
Sa i përket inflacionit ndërkohë, projeksionet e OKB-së janë në linjë me ato të institucioneve të tjera ndërkombëtare, për një rritje të ndjeshme të çmimeve të konsumit vitin e ardhshëm, në masën 2.7%.
Dinamika në zhvillim e ekonomisë shqiptare ka bërë që dhe institucione të tjera prestigjoze ndërkombëtare të rishikojnë dhe projektojnë rritje në terma reale, të ekonomisë sonë.
