Fotot që shihni më poshtë, janë ato që tregojnë se çfarë la pas sherri që përfundoi me një viktimë, një të plagosur dhe dy të arrestuar në Kavajë, në banesën e shtetases Marsida Qatja, në lagjen numër 2 të qytetit, pak pas mesnate.
Njolla gjaku në pllaka, batanije të hedhura përtokë dhe divani i pasistemuar, si pasojë e asaj që duket se ka qenë një përleshje ajo që i parapriu më pas krimit.
Në foto shihet dhe viktima Dritan Hoxhallari ose Tan Peza i cili për motive xhelozie, ka qelluar mbi policin pasi e gjeti ne shepine e Marsidës, me te cilen kishte pasur nje lidhje dashurie te perfunduar pak jave me pare.
Njoftimi i plotë i policisë:
Në vijim të veprimeve të kryera nga grupi hetimor në lidhje me zbardhjen dhe dokumentimin e ngjarjes së ndodhur në lagjen nr. 2, në Kavajë, ku pas një konflikti në banesën e shtetases M. Q., mbeti i vrarë me armë zjarri shtetasi D. H. dhe i plagosur shtetasi B. T., nga Specialistët për Hetimin e Krimeve në Komisariatin e Policisë Kavajë u bë arrestimi në flagrancë i shtetasve:
B. T., 31 vjeç, banues në lagjen nr. 2, në Kavajë, me detyrë Shef i Sigurisë së Brendshme pranë burgut të Durrësit. Shtetasi B.T., pasi është konfliktuar me shtetasin D. H., ky i fundit për motive xhelozie ka qëlluar me armë duke e plagosur shtetasin B. T. Në kushtet e vetëmbrojtjes shtetasi B. T. ka qëlluar për vdekje me armë zjarri tip pistolete shtetasin D. H.( i dënuar më parë për krime kundër personit dhe për lëndë narkotike). Arrestimi i shtetasit B.T., për veprën penale “Vrasja me dashje”.
B. T., 27 vjeç, lindur e banues në lagjen nr. 2, në Kavajë ( vëllai i shtetasit B.T.), pasi gjatë kontrollit të banesës së shtetasit B. T. në lagjen nr. 2, në Kavajë iu gjetën dhe u sekuestruan me cilesinë e provës materiale një sasi e dyshuar lendë kokaine e ndarë në 7 doza që i përkisnin 27-vjeçarit. Arrestimi i tij për veprën penale “Prodhimi dhe shitja e narkotikëve”.
Materialet procedurale do të dërgohen në Prokurorinë Pranë Gjykatës së Shkallës së Parë Kavajë, për veprime të mëtejshme.
/AlpeNews.al
