Një tragjedi e vërtetë ka përfshirë një familje në Austri. Pesë persona u vranë në Kitzbühel, një zonë e njohur për turistët që relaksohen duke bërë ski.
Policia ndaloi një djalë të ri dhe e akuzoi atë për vrasjen e ish-të dashurës së tij dhe katër anëtarëve të familjes së saj (tre burra dhe dy gra, përfshirë edhe vajzën e re). Sipas medias lokale Krone.at arsyeja e masakrës, e cila ndodhi në shtëpinë e vajzës, duhet të ishte xhelozia dhe se djali është vetëdorëzuar në polici.
Takimi në një lokal dhe masakra në shtëpinë e ish-të dashurës
Sipas asaj që është kuptuar nga hetuesit deri më tani, i riu kishte takuar ish te dashuren e tij në një lokal e cila ishte e shoqëruar nga një djalë tjetër dhe atje kishte filluar zënka.
Pak ore me vone, në pesë të mëngjesit ai u shfaq në shtëpinë e saj dhe pas një debati u perzu nga babai i vajzës.
Kjo e shtyu te shkonte ne shtepine e tij ku ka marre armën e vëllait dhe më pas u kthye në shtëpinë e ish të dashurës së tij duke qelluar me bresheri nga jashte dritares.
Kështu ndodhi masakra: 25-vjeçari vrau vajzën, të dashurin e saj të ri dhe anëtarët e tjerë të familjes që ishin në apartament.
Pastaj shkoi në komisariat, vendosi armën në tryezë dhe tha: “Unë sapo vrava 5 persona”.
Krimi u konsumua në një vilë të vogël në një zonë banimi të qetë të Vordergrub, rreth orës 5 të së dielës. Viktimat janë ish e dashura e 19-vjeçarit vrasës, prindërit e saj, vëllai i saj 25-vjeçar dhe partneri i ri i ish-te dashures se autorit.
