Një fans i çmendur i Katy Perry është arrestuar dhe urdhëruar që t’i qëndrojnë larg këngëtares në çdo kohë pasi ai vet deklaroi se do të bënte gjithçka për të qenë afër këngëtares. Ky ka qenë një kërcënim për Katyn.
Pawel Jurski një 37 vjeçar nga Polonia, u paraqit në një gjykatë kriminale në Miami të enjten dhe u përball me akuza si kërcënim, përndjekje dhe kundërshtim e rezistencë ndaj forcave të policisë.
Sipas raportit të policisë … Jurski ka qenë në të paktën 6 nga koncertet e Katy në qytete të ndryshme gjatë 20 ditëve të fundit dhe është përpjekur në çdo mënyrë të kontaktojë me këngëtaren. Kur u pyet nëse ai donte ti bënte diçka të keqe Perry, Jurski u përgjigj …; “Do të bëj gjithçka që duhet, që të jem me Katy Perry”.
Ai gjithashtu u tha policëve, ndërsa ai ishte në Çikago, e kishte ndjekur Katyn fshehurazi në një restorant për ta surprizuar atë. Por e gjitha kjo ka marrë fund pasi ai nuk do të shkojë më në asnjë nga koncertet e saj. Gjykatësi i ka marrë atij dokumentet që i duhen për të udhëtuar.
Përgatiti:AlpeNews.al
