Vota e Shqipërisë në OKB kundër propozimit të Presidentit amerikan Donald Trump për të njohur Jeruzalemin si kryeqytet të Izraelit, ka marrë reagime të forta.
I pari që i del në krah vendimit të Shqipërisë është ai i politikanit Zef Bushati.
Ai shkruan se qeveria mund të kishte bërë një lojë diplomatike duke abstenuar, por gjithsesi edhe vendimi pro është dinjitoz.
Propozimin e Presidentit Amerikan Donald Trump, per njohjen nga ana e SHBA-se te Jeruzalemit si kryeqytet te Izraelit, Asamblea e OKB-së e kundershtoi nepermjet nje Rezolute. Shtetet antare votuan per Rezoluten me 128 vota pro, 9 kundër dhe 35 abstenime.
Mes vendeve që kundërshtuan vendimin e 6 dhjetorit të Presidentit Donald Trump ishte edhe Shqipëria, ndërkohë që 6 vende të BE-së abstenuan. Edhe Shqiperia mund te zgjidhte rrugen “e dinakerise dipllomatike” duke abstenuar, per te mos u “prishur” me Presidentin Trump dhe Israelin, nga njera ane dhe BE nga ana tjeter. Por a do ta nderonte Shqiperine ky qendrim ?
Mendoj se qendrimi i Shqiperise duke u bashkuar me qendrimin e 127 shteteve antare te OKB eshte dinjitoz. Ne shqiptaret e vlersojme popullin amerikan duke falenderuar dhe disa prej Presidenteve te tyre qe na kane ndihmuar si komb ne momente shume te rendesishme te historise sone. Per shqiptaret Amerika eshte shteti me te cilin ne kemi marrdhenie strategjike.
Por edhe per popullin israelit shqiptaret kane treguar konkretisht respekt e konsiderate duke i strehuar israelitet ne familjet e tyre gjate pushtimit nazist. Ato vite te veshtira te luftes forcuan lidhjet midis dy popujve dhe dy shteteve, Shqiperise dhe Israelit. Gjithsesi Shqiperia, ne kete votim, ndodhej edhe perballe argumentave te tjera.
Ne jemi pjese e Europes, ne presim hapjen e negociatave per antarsim me te drejta te plota si vend antar ne BE, ne Shqiperi besimtaret e krishtera dhe myslimane perbejne maxhorancen e besimeve fetare dhe Qeveria Shqiptare duhet edhe per ta te demostronte respekt te thelle. Jeruzalemi eshte Toka e Shenjte edhe e të krishtereve edhe e myslimaneve ne te gjithe boten.
Vendimi i Kryeministrit Rama dhe i Qeverise Shqiptare mendoj se eshte i drejte dhe dinjitoz. Vota e Shqiperise besoj se do te mirkuptohet nga te gjitha palet e interesuara dhe nuk do ndikoj aspak per qefmbetje dhe ftohje te marredhenieve me asnje nga shtetet e aq me pak nga SHBA./ express
