Përveçse është i dashuri i ish-Miss Universe, Trejsi Sejdinit, të cilës nuk ka ngurruar t’i bëjë dhurata luksoze, Leonard Duka është një nga 8 personat që është shpallur në kërkim për eliminimin e ish-policit të ndjerë, Santiago Malko.
Pra, emri i tij nuk është i padëgjuar për drejtësinë.
Në prill të këtij viti, 37-vjeçari është vënë në pranga pas një aksioni të ndërmarrë nga policia.
Ky operacion nisi pas një dosjeje tepër sekrete, të dërguar prej Agjencisë Gjermane Anti-Trafik (AGJT) dhe policia shqiptare, mbikëqyrur nga agjentët specialë gjermanë dhe nga DEA-Amerikane, realizoi aksionin për arrestimin e grupit “Duka” në Tiranë, i skeduar e faktuar, si grup i strukturuar i trafikut të lëndëve narkotike Shqipëri-Gjermani.
Në sajë të këtij operacioni janë vënë në pranga 4 persona.
Sipas policisë, kreu i këtij grupi rezulton të jetë i dashuri i Trejsit, 33-vjeçari Leonard Duka, ndërkohë që të arrestuar të tjerë ishin Elvis Gaçaj, 44 vjeç, Oltion Loga 38 vjeç dhe Dritan Agaj, 38 vjeç, persona që janë në kërkim gjithashtu për eleminimin e Malkos.
Gjithesi, ata u liruan pak kohë më vonë nën masën e sigurisë, “arrest shtëpie”.
Sa i përket Trejsit, ajo ka postuar shpesh në rrjetet e saj sociale foto të dyve, apo të dhuratave që merrte nga Duka.
20-vjeçarja Sejdini është e njohur për jetën e luksit që bën, që mesa duket ia mundëson edhe i dashuri ‘boss’.
Ajo kishte publikuar në llogarinë e saj në Instagram një foto pranë një Mercedes Benz, GLE V8 biturbo, që kushton gati 100 mijë euro, dhuratë nga Leonard Duka.
Ky automjet më vonë u sekuestrua nga policia ndërsa edhe vetë ish-missi është shoqëruar në polici në prill.
