Deputeti socialist Taulant Balla, njekohesisht kreu i grupit parlamentar te PS, ne nje takim qe ka pasur me deputetin gjerman te CDU, thote se ne kete diskutim eshte vleresuar qe fillimi i bisedimeve për anëtarësim me Shqipërinë është një mesazh i rëndësishëm për popullin shqiptar
“Me deputetin e CDU Peter Bayer dje patëm mundësi të bashkëndajmë vlerësimin se fillimi i bisedimeve për anëtarësim me Shqipërinë është një mesazh i rëndësishëm për popullin shqiptar, qartësht pro-europian, por gjithashtu edhe një mesazh gjeo-strategjik. Vendi i Ballkanit Perëndimor është në Bashkimin Europian, por padyshim qoftë Shqipëria, qoftë Maqedonia e Veriut kanë ende shumë rrugë për të bërë. Implementimi i plotë i Reformës në Drejtësi në Shqipëri është një garanci për rezultate konkrete edhe në luftën kundër korrupsionit dhe krimit të organizuar”, shkruan Balla ne postimin ne FB, ku ka postuar edhe fotot nga takimi.
Peter Bayer është Koordinator për Bashkëpunimin Trans-atlantik, duke patur në fokus marrëdhëniet mes Gjermanisë dhe SHBA.
Sakaq, nje dite me pare Peter Beyer, nga CDU, nuk i kurseu kritikat, keto jo në adresë të kolegëve por në adresë të Shqipërisë, megjithëse në fillim lavdëroi ngritjen e një tryeze të rrumbullakët për reformën zgjedhore.
„Kjo është gjë e mirë, por nuk mjafton“, tha deputeti kristiandemokrat, raporton “DW”.
