“Faktet tregojnë se Presidenti Donald Trump tradhtoi, shkeli dhe injoroi kushtetutën” – Akuza të rënda ka lëshuar Kryetarja demokrate e Dhomës së Përfaqësuesve, Nancy Pelosi teksa ka lexuar pjesë të denoncimit të zyrtarit të inteligjencës amerikane i cili ka akuzuar administratën e Shtëpisë së Bardhë se ka tentuar të ndërhyjë dhe bllokojë informacionet në lidhje me telefonatën që presidenti Trump pati me homlogun e tij ukrainas në lidhje me hapjen e hetimeve mbi rivalin Baden dhe djalin e tij.
‘Shtëpia e Bardhë ka fshehur informacione të natyrës politike’ – tha Nancy Pelosi, duke theksuar se avokatët e Trump urdhëruan ta fshihnin bisedën në një regjistër të veçantë elektronik.
Dhe reagimi i manjatit nuk ka vonuar të vijë.
Për presidentin amerikan, ‘informacioni është i rremë dhe nuk është gjë tjetër veç gjueti shtrigash’. Sipas Trump, Adam Schiff, presidenti i Komitetit të Inteligjencës së Senatit që e akuzon atë se ka “kryer krime” në thirrjen telefonike, “ka besueshmëri zero. Një tjetër fantazi për të goditur Partinë Republikane!” – ka deklaruar Trump para stafit të përfaqësisë amerikane në Kombet e Bashkuara.
“Unë dua të di se kush është personi që i ka dhënë këto informacione, sepse kjo është e ngjashme me lojrat me spiunë – ai tha – A e dini se si kemi vepruar dikur me spiunët dhe tradhtarët? Ne i trajtonim ata në një mënyrë pak më ndryshe se sa ne tani”.
Ndërkohë, New York Times, duke konfirmuar thashethemet e qarkulluara, thotë se informatori është një agjent i CIA në shërbim në Shtëpinë e Bardhë. Identiteti i tij është padyshim sekret dhe ai është vendosur nën mbrojtje.
Në lidhje me deklaratat e Trump ka reaguar dhe Joe Biden. “Ne kemi një president i cili beson se nuk ka limite në fuqinë e tij, ai beson se mund të bëjë çdo gjë, ai beson se është mbi ligjin”
