Reshjet e dendura qe rane gjate nates e ne disa zona edhe gjate mengjesit te sotem kane shkaktuar jo pak probleme.
Autoriteti Rrugor Shqiptar ben apel per gjithe drejtuesit e mjeteve te bejne kujdes gjate qarkullimit, nderkohe qe jep nje pasqyre te gjendjes se rrugeve ne vend.
Situata mengjesin e sotem
📌Nata e mbrëmshme është shoqëruar përsëri me reshje të dendura shiu 🌧 në të gjithë territorin.
Situata paraqitet si vijon:
👉Rajoni Verior
Ka pasur reshje në të gjithë territorin, po pa shkaktuar probleme në qarkullim.
Të gjithë specialistët 👨🔧 dhe kontraktorët 🚜 janë në terren në gatishmëri për çdo situatë.
👉Rajoni Qendror
Ka pasur reshje të shumta gjatë gjithë natës.
Në segmentet e zonës së Dajtit nga reshjet ka rënie gurësh e dherash është punuar për pastrimin e tyre.
Rrugët dytësore dhe segmentet e Kamzës kanë pasur disa vështirësi në qarkullim (te nënkalimi i City Park). Tani situata është e normalizuar. Grupet e punës janë përqendruar në Bubq – Ishem.
Në zonën e Ibës ka pasur rënie të dendura shiu kontraktori ka punuar për stabilizimin e situatës.
Në segmentet rrugore të zonës se Belshit, si rezultat i shirave të dendur në disa vende ka rënie gurësh. Kontraktori po punon për pastrimin e plotë të rrugës.
Në të gjitha akset e këtij rajoni qarkullimi kryhet normalisht.✅
👉Rajoni Jugor
Ka pasur reshje të shumta sidomos në qarkun e Gjirokastrës.
Në Dragot dhe pranë Ujit të ftohtë ka pasur vërshim ujërash dhe dherash, kompania e mirëmbajtjes ka punuar gjatë natës duke kthyer qarkullimin normal.
Aktualisht në Rajonin Jugor të gjitha akset janë me qarkullim normal.
Kontraktorët janë në gatishmëri për çdo situatë të përkeqësuar të motit.✅
⚠️I bëjmë apel të gjithë drejtuesve të mjeteve🚘 të bëjnë kujdes, të ulin shpejtësinë të respektojnë sinjalistikën dhe udhëzimet e policisë rrugore 🚓
