Lulzim Basha është përballur me “vrrullin” e gazetarit të njohur për qëndrimet pro PD-së Çim Peka, se ka lejuar kapjen e kryeprokurorit të përkohshëm, duke mos reaguar në kohë edhe siç duhet.
Gjatë përballjes në emisionin “Opinion”, Peka i është drejtuar Bashës duke i thënë se nuk i bindet populli për të dalë në protesta, dhe ky është një prej problemeve të opozitës.
Basha i ka rikujtuar protestën 90 ditore të opozitës në çadër, duke u shprehur se ajo protestë solli rezultate.
Pjesë nga debati:
Peka: Të gjitha institucionet janë kapur, përveç opozitës. Nëse njerëzit nuk dalin në protestë kur opozita nuk i thërret, problemi nuk është i popullit por i opozitës. Ju jeni i detyruar ti përgjigjeni diplomatit, vetëm nëse jeni në marrëveshje me ta. Jeni shprehur para katër javësh që do kapet prokuori, kur e dinit këtë pse e lejuat?
Basha: Nuk ishte në rend dite, kjo ishte arsyeja pse u thirr protesta dy ditë para
Peka: Zoti Basha nëse ke ardhur të fyesh dakort… Zoti Basha më shiko mua jo Lencin, se po të pyes unë.
Basha: Sapo u fut në rend dite opozita bëri atë që kishte paralajmeruar. Për ambasadorët, komunikimi im me ta është direkt.
Peka: Nuk është direkt se kanë dy-tre vjet…
Peka: Ndryshimi është që kryetari i opozitës sillet si diplomat dhe ambasadori sillet si politikan
Basha: Ne bëmë një protestë 90 ditore në çadër për të ndërgjegjësuar shqiptarët nga rreziku i aleancës së qeverisë me krimin. Ndërkombëtarët e pranuan më në fund.
Peka: Çështja Saimir Tahirit nuk është sukses i çadrës, por italianët.
