Ndërkohë që Shqipëria ka 48 orë që përballet me situatën e vështirë edhe pse tanimë pa rrezik të tërmeteve Basha ishte zhdukur plotësisht.
Mesa duket Basha ka qenë jashtë vendit me pushime siç bën çdo fundjavë dhe nuk i ka prishur pushimet ose nga frika ose thjesht sepse nuk ka dashur të prishi rehatinë e tij duke qëndruar jashtë vendit i qetë, edhe pse shqiptarët kishin nevojë për gjithkënd për tu dhënë një fjalë solidariteti, ngushëllimi, kurajo etj.
Sot ai shkoi në Durrës ku bisedoi me qytetarë, banesat e të cilëve pësuan dëme nga tërmeti i së shtunës. Basha ishte në shtëpitë e banorëve të prekur nga tërmeti, ku pa nga afër situatën. Kreu demokrat tha se ky tërmet ka qenë me pasoja tek banorët dhe se do të jetë gjithmonë pranë tyre.
Durrësi ishte qyteti më i prekur nga tërmetet që kanë rënë në Shqipëri, teksa më i fuqishmi ishte ai me magnitudë 5.8 ballë.
