Drejtori i portalit, Syri.Net, Çim Peka ka shkarkuar të gjithë përgjegjësinë e lajmit të rremë, që shfrytëzoi situatën e tërmeteve për disa klikime duke përhapur panik te qytetarët, gazetarit Aurel Rakipllari. Në reagimin e tij, mes shumë akuzave për kryeministrin Edi Rama, ku nuk kursen as nënën e kreut të qeverisë, Peka shkruan se ai lajm u publikua në kushtet e presionit individual, teksa e gjithë një lajm të tillë të rremë, si një gabim profesional, edhe pasojat e këtij gabimi ishin të paimagjinueshme.
“Lajmi ngrinte alarmin, se lëkundjet edhe më të mëdha se ato të orës 16.05 minuta të të shtunës, do të përsëriteshin brenda mesnatës. Mes mediave dhe gazetarëve të tjerë edhe ai i Syri.net, Aurel Rakipllari, në kushtet e presionit individual duke ju referuar një botimi të përhapur në mënyrë epidemike në rrjet, publikoi një lajm me një titull emocional, por në thelb me qëllim shërbimi ndaj qytetarëve në kushte emergjence, të cilin Edi Rama nuk e la të binte në tokë.”-thuhet ndër të tjera në shkrimin e publikuar nga Peka.
Postimi i Çim Pekës
Ditën e djeshme u shoqërua në polici gazetari Aurel Rakipllari, e ndërsa sot janë marrë në pyetje kryeredaktori i i portalit Syri.net Artan Cena së bashku me Ermal Rizain dhe Gelsi Bakollarin. Përpos gazetarëve të portalit mbrëmë u shoqërua edhe gazetarja e ‘Shekullit’ Daniela Grica. Dy gazetarët, Rakipllari dhe Grica përhapën lajmin e rremë se në orën 23:30 do të bjerë një tërmet të fuqishëm, duke nxjerrë në rrugë mijëra qytetarë.
