“Parlamenti në Tiranë ishte më shumë si një arenë lufte sesa një institucion demokratik. Kryeministri i Shqipërisë, Edi Rama, tundi kokën teksa iu gjuajt me një këpucë nga kryetarja e partisë me të cilën ka qenë në koalicion, Lëvizja Socialiste për Integrim dhe u hodhën flakadanë mes të sallës së Kuvendit, në një skenë që të kujtonte parlamentin e Kosovës në një mbledhje të mëparshme”.
Keshtu shkruan agjencia ruse e lajmeve “Sputnik” ne gjuhen serbe, ne nje shkrim me titull “A mundet kepucet e gjuajtura mbi Ramen te arrijne Serbine”.
“Nëse ndodh një revoltë popullore në vend, atëherë ajo do të kishte një efekt domino në të gjithë hapësirën shqiptare. Lideri i partisë më të madhe opozitare në Shqipëri, Partisë Demokratike, Lulzim Basha, shpalli fillimin e kryengritjes popullore. Arsyeja pse e gjithë kjo po ndodh është emërimi i prokurorit të ri të shtetit, i cili duhet të merret me krimin e drogës, i cili lulëzoi në Shqipëri, si dhe korrupsioni në radhët e politikës”, shkruan ndër të tjera “Sputnik”.
Dhe më tej “Sputnik”, paralajmëron as më pak e as më shumë, por thotë që në Shqipëri parashikohet një periudhë identike me vitin 1997, kohë kur vendi shkoi në kaos.
“Duke pasur parasysh se Basha njoftoi nisjen e demonstratave nga janari i vitit të ardhshëm, por edhe një rezistencë në Parlament, mund të thuhet se Shqipëria po përjeton një sërish një 1997, kur vendi hyri në konflikte të armatosura. Edhe qeveria e atëhershme nuk mundi të luftonte me një shkallë të lartë të korrupsionit”, shkruan Brankica Ristiç, e cila parashikon më pas se konflikti do të përhapet.
“Shumë nga konfliktet në Shqipëri lidhen me përshkallëzimin e konflikteve në Kosovë dhe Metohi.
Duke pasur parasysh këtë, nuk është e kotë të pyesësh nëse është e mundur që konfliktet e brendshme politike nga Tirana po përhapen në zona të tjera ku jetojnë shqiptarët”, vijon “Sputnik”.
