Policia greke ka arrestuar ditën e sotme 15 trafikantë droge ku 8 prej tyre janë shqiptarë.
Banda e shpërndante drogën në lagjet e Athinës.
Gjatë këtij operacioni policia ka sekuestruar 1785 gr marijuanë, 26 gr kokainë, 10.040 euro, 3 peshore, 35 telefona, 8 thika lufte, 31 gr methamfetamine dhe një sasi e vogël lëndësh narkotike e pajisje për transportin e shitjen.
Sasitë që transportonin ishin të vogla, dhe përdoreshin për shitje tek klientët.
Në kërkim janë edhe 8 persona të tjerë. Mosha e të arrestuarve varion nga 16 në 32. Në pranga gjithashtu ranë dhe 3 prindër të të arrestuarve të mitur për moskujdesje.
Banda ishte nën vëzhgim të policisë prej kohësh, mënyra si operonte ishte e ditur, arrestimi u krye pas operacioni të organizuar brenda dy ditëve 19-20 dhjetor./AlpeNews.al/
