Me 7 vota pro dhe 2 kundër, Komisioni Hetimor ka miratuar kërkesën për zgjatjen me dy muaj të Komisionit Hetimor. Kjo kërkesë tashmë do ti kalojë kuvendit, për miratim në seancën e datës 3 tetor.
Më herët kryetari i Komisionit, Ulsi Manja parashtroi projektvendimin për zgjatjen e punë.
Ulsi Manja: Jemi dakordësuar që në fillim që ky komision dot ë presë opinionin e Komisionit të Venecias, sepse jemi dakordësuar bashkërisht që Komisioni i Venecias të në ofrojë ekspertizën e nivelit më të lartë. Meqë veprimtaria e këtij Komisionit mbaron në datën 8 tetor, lind nevoja që ne ti drejtohemi Kuvendit për të patur një afat shtesë që ky komision të përfundojë me sukses detyrën që i ka ngarkuar Kuvendi. Unë kam propozuar që zgjatja të jetë prej dy muajsh. Por mund të jetë afat më i shkurtër ose më i gjatë, këtë ta vendosim bashkërisht.
Ndërsa Kryetari i Ballit Kombëtar, Adriatik Alimadhi ka kërkuar që Komisionit Hetimor për Presidentin Meta të mos ekzistojë më.
Ai deklaroi se ky komision nuk ka elementët e duhur për të ndjekur një procedurë ndaj hetimit të presidentit sepse sipas tij, Presidenti nuk ka bërë ndonjë marrëveshje që prekin interesat e shqiptarëve.
Adriatik Alimadhi: Unë gjykoj se ky komision nuk duhet të ekzistojë sepse nuk ka elementët e duhur për të ndjekur një procedurë ndaj hetimit të presidentit sepse nuk kemi shkelje të rëndë. Pra jo për ta shtyrë afatin, por nuk kemi një shkelje të rëndë që fajëson presidentin sepse presidenti nuk ka bërë ndonjë marrëveshje që prek interesat e këtij vendi, apo prek interesat e shqiptarëve.
