Dy persona janë vënë në prangat e policisë pasi kanë tentuar që të trafikojnë kanabis dhe armë nga Shqipëria drejt Malit të Zi.
Burime për Report Tv bëjnë me dije se në pranga ka rënë Ernest dhe Markeljan Peci, 23 dhe 21 vjeç, vëllezër, të cilët ishin në kërkim pasi më herët, pasi Gjykata e Shkallës së Parë për Krime të Rënda Tiranë u kishte caktuar masën e sigurisë me burg. Uniformat blu bëjnë me dije se ato u spikatën nga policia duke kaluar kufirin, në vendin e quajtur Shkalla e Selcës, por arritën që të largoheshin duke shfrytëzuar errësirën dhe terrenin, megjithatë arratia nuk u ka zgjatur shumë. Ato u arrestuan pak orë më vonë.
Hetimet për dy të rinjtë kanë zgjatur për një periudhë 18-mujore, teksa këtij operacioni është sekuestruar 74 kg lëndë narkotike cannabis sativa, 1 armë zjarri dhe fishekë luftarakë. Mbi ta rëndon akuza për veprat penale “Trafikimi i narkotikëve, kryer në bashkëpunim, mbetur në tentativë” dhe “Mbajtja pa leje e armëve dhe municioneve luftarake”.
