Ish-kryeministri italian, Matteo Renzi i thote lamtumire Partise Demokratike (PD) dhe ka bere gati planet per nje grup te ri parlamentar, te pavarur.
Sic raporton “La Repubblica”, Renzi ka thene se po largohet nga PD për të krijuar diçka të re, sepse mendon se partia që drejtoi nga fundi i vitit 2013 deri në vitin 2018 nuk ka asnjë vizion për të ardhmen.
”Rreth 30 deputetë, përfshirë ministren e Bujqësisë, Teresa Bellanova, do të bashkohen në partinë e re, ende të paemëruar”, ka thene ai.
Ai i ka bere telefonate kryeministrit Giuseppe Conte, per ta njoftuar per kete vendim.
“Më pëlqen vërtetë kur thonë së jam politikisht i vdekur. Personi i fundit që mendoi këtë ende po rimerr veten”, ka bere me dije Renzi.
Partia Demokratike e qendrës së majtë dhe Lëvizja 5 Yjet (M5S), dy ish-armiq të betuar, kanë bashkuar forcat duke vënë në opozitë liderin ekstremist të djathtë, Matteo Salvini. Renzi ishte një arkitekt kryesor i kësaj aleance të pagjasë.
