Të enjten e ardhshme Banka e Shqipërisë do të prezantojë kartëmonedhat e reja që do të hidhen në treg duke nisur nga ky vit.
Pas më shumë se 20 vitesh, dizenjo e parasë vjen e rifreskuar dhe me elementë sigurie të përmirësuara, duke i dhënë lekut shqiptar pamjen e një kartëmonedhe moderne.
Të parat që do të hidhen në qarkullim janë kartëmonedha 200 dhe 5 mijë lekëshe, ndjekur nga të gjitha prerjet e tjera.
Ndërsa vitin e ardhshëm për herë të parë do të kemi një kartëmonedhë 10 mijë lekëshe. Kjo valutë do të mbajë figurën e poetit të njohur Asdreni, shoqëruar me vargje nga Himni Kombëtar
Banka e Shqipërisë i quan këto ndryshime një ngjarje shumë të rëndësishme, një moment të veçantë, jo vetëm për këtë institucion, por për gjithë shtetin shqiptar.
