Të dielën mbahen zgjedhjet në Norvegji dhe si në shumë vende të tjera edhe këtu kandidon një shqiptar.
Ai është Bujar Shala 37 vjeç nga Shkodra që prej 18 vitesh jeton në Oslo, Norvegji.
Ky kandidim nuk është i pari për Bujarin pasi edhe në zgjedhjet parlamentare të 2017 ishte i nënti në listë me partinë e djathtë, Høyre.
Si atëherë por edhe sot, duket se Bujari vendos theksin në komunitetin shqiptar në Norvegji me të cilët ai ka patur edhe takime të vazhdueshme dhe i ka kërkuar ndihmën dhe votën e tyre.
Shala ka studiuar për financë dhe ka qenë një prej studentëve më të mirë.
Në një intervistë në 2017, Bujari u shpreh i pyetur në lidhje me Shkodrën u shpreh se kthehet shpeshherë në vendlindje e se dëshiron që ashtu si ai edhe fëmijet e tij të kenë lidhjen shpirteroe me Shqipërinë.
“Lidhjet me Shkodrën mundohem t’i mbaj në mënyrë të vazhdueshme bashkë me shokët dhe familjarët e mi. Vij relativisht shpesh, dhe sipas mundësive të paktën 2 herë në vit. Sidomos tani që edhe femijët janë të vegjël dua që edhe ato të krijojnë një lidhje shpirtërore për fëmijërinë e tyre me Shkodrën.”
Përgatiti: AlpeNews.al
