Mund të quhet nata e shpresave të përmbushura ose e ëndrrave të paplotësuara ajo e djeshmja, teksa në Palazzo Chigi, drejtuesit e ‘Lëvizjes 5 Yjet’ dhe Partisë Demokratike, i kanë dhënë ‘dorën e fundit’ marrëveshjes që do t’i jepte fund krizës politike në Itali.
Pas votës pro të 800 000 anëtarëve të ‘Lëvizjes’ në platformën Rousseau, dy partitë e koalicionit të ri, kanë skicuar mbrëmë kabinetin e ri qeveritar.
Në kabinetin ‘Conte 2’, Partia Demokratike dhe ‘Lëvizja 5 Yjet’ do të kenë numër numër pothuajse të barabartë të ministrave, pavarësisht se PD ka 104 deputetë dhe 51 senatorë kurse 5 Yjet, 216 deputetë dhe 107 senatorë.
Ekuilibrat e brishtë mesa duket për momentin janë forcuar me dakordësinë për postin e Ministrit të Jashtëm, i cili do t’I takojë Luigi di Maio-s.
Tani objektivi për Giuseppe Conte-n, është të ngjisë sot pasdite shkallët e pallatit presidencial për të bërë betimin e tij dhe qeverisë që ai do të drejtojë.
