“Integrimi euro-atlantik i rajonit të Ballkanit paraqet një qëllim strategjik të Uashingtonit”.
Deklarata bëhet nga i dërguari special amerikan për Ballkanin, Matthew Palmer, gjatë Forumit Strategjik të Bled-t në Slloveni.
Palmer tha se Shtetet e Bashkuara synojnë të “konkurrojnë në nivelin e një ndikimi pozitiv në rajon dhe ta përdorin atë ndikim për të lehtësuar integrimin evropian dhe euro-atlantik të vendeve të Ballkanit Perëndimor”.
Palmer njoftoi se ai dëshironte të “ishte i pranishëm dhe të mbështesë përpjekjet e rajonit në arritjen e qëllimeve të tyre”.
Ndër objektivat në fjalë, Palmer theksoi hapjen e negociatave për Shqipërinë dhe Maqedoninë e Veriut me BE-në, “në kushtet ideale në tetor”.
Gjatë këtij forumi, Palmer shpalosi tre objektivat kryesore amerikane për rajonin:
Të mundësojë hapjen e negociatave për Shqipërinë dhe Maqedoninë e Veriut;
Të mundësoje dialogun Serbi- Kosovë dhe gjetjen e zgjidhjeve për problematikat kryesore;
Bosnja dhe Herzegovina të bëhet një shtet funksional.
Tematika e këtij forumi është ’Ballkani Perëndimor – Evropianizimi, Demokratizimi’.
