Elbasani është një nga qytetet më interesante nga turistët për tu vizituar, kjo jo vetëm për afërsinë që ka me Tiranën por edhe për shkak të historisë që mbart.
Edhe këtë verë, interesi i pushuesëve të huaj ishte i madh e kjo duket lehtë nga komentet (review) e tyre në gjigandin mediatik të turizmit “Trip Advisor”.
AlpeNews.al sjell disa prej tyre mbi kalanë e Elbasanit:
“Një fortesë e vjetër.
Duket bukur me pedonalen që ka pranë dhe njerëzit që shetisin zakonisht gjatë mbremjeve. Janë të bukura edhe restorantet tradicionale brenda Kalasë”.
“Ia vlen të shihet.
Është kala e vogël e shekullit të XV por tani me restorantet brenda ia vlen të shihet dhe madje është edhe falas”.
“Interesante.
Jam i mahnitur sërish nga Shqipëria dhe pamjet spektakolare që ky vend dhuron. Duhet ta vizitoni patjetër këtë vend të shekullit XV.”
“Kala e bukur.
Brenda ka kafe, restorante të ndertuara në harmoni me njëra tjetren dhe mundësi shumë të mira për foto të bukura”.
Përgatiti: AlpeNews.al