Presidenti Meta është takuar sot me Zëvendës Kryetaren e Grupit Parlamentar të CDU/CSU, deputeten gjermane Katja Leikert si dhe me ambasadorin e Austrisë Johann Sattler.
Meta e falenderoi për angazhimin e posaçëm të Bundestagut dhe veçanërisht të grupit parlamentar CDU/CSU për parandalimin e thellimit të krizës politike në Shqipëri.
Ndër të tjera presidenti Meta ka shtuar se ne duhet të mësojmë nga një shtet i ri si Kosova, ku jepet mundësia qytetarëve ,të thonë fjalën e tyre përmes zgjedhjeve të parakohshme për të ardhmen e institucioneve qeverisëse.
Por kush janë pikat që e bëjnë këtë krahasim të presidentit Meta jo të duhur me situatën politike në Shqipëri:
- Kryeministri I Kosovës Ramush Haradinaj dha dorëheqjen ndërsa Kryeministri Rama nuk e ka bërë një gjë të tillë deri në mbarimin e mandatit.
- Qeveria e Kosovës edhe pse vinte nga një kualicion I madh I quajtur PAN ishte minorancë, kjo për shkak të daljen së listës serbe nga kjo qeveri. Ndërsa qeveria Shqiptare është e “shëndetshme” pasi ka shumicën parlamentare dhe tashmë edhe të gjithë pushtetin vendor.
- Dorëheqja e kryeministrit Haradinaj, vinte pasi ai u thirr nga gjykata e Hagës për të dhënë dëshmi mbi krimet e luftës ndaj Serbisë. Edi Rama nuk ka asnjë nga këto dhe nuk ka arsye pse të jap dorëheqje deri në mbarimin e mandatit.
- Opozita në Kosovë nuk zgjodhi rrugën e djegies së mandateve edhe pse ishte një qeveri e “brishte” e cila nuk kalonte gjysmën e përfaqësimit në parlament. Në Shqipëri opozita jonë ka dale jashtë sistemi dhe dogji mandatet e dhëna nga populli për ti përfaqësuar.
- Kosova kur zhvilloi zgjedhjet lokale edhe pse qeveria atje ishte e dobët dhe me probleme të mëdha opozita pranoi të hyjë në zgjedhje. Në Shqipëri opozita nuk hyri në zgjedhje dhe ato pak bashki që pati i humbi.
Përgatiti: AlpeNews.al
