Një shtetas shqiptar 23 vjeç u arrestua për keqtrajtim dhe rezistencë ndaj një zyrtari publik. Ngjarja ndodhi natën e shkuar në festivalin e fshatit Cambiago në zonën e Milanos në Itali.
Shkak i ngjarjes sipas ‘Tg24”, ishte pasi i riu shqiptar tentoi të merrte me forcë në makinë ishte të dashurën e tij.
23 vjeçari u shfaq në festë i dehur në një nga lagjet e fshatit dhe filloi të shante kundër një vajze 25 vjeçare braziliane, me të cilën kishte pasur një lidhje dashurie, duke e tërhequr me qëllim që ta detyronte të hipte në makinën e tij për të shkuar në shtëpi.
Të pranishmit lajmëruan karabinierët, të cilët ndërhynë duke arrestuar të riun.
Shqiptari, i denoncuar tashmë për keqtrajtim ndaj brazilianes, me ardhjen e agjentëve, bëri rezistencë ndaj tyre duke vazhduar fyerjet kundër gruas.
