Sot, kur kanë kaluar tre vjet pas tërmetit të fuqishëm që tronditi Italinë Qendrore, mediat italiane kanë kujtuar momentet e tmerrit dhe japin edhe disa shifra.
Në gushtin e vitit 2019 ka ende 49,000 njerëz të zhvendosur nga vendbanimet e tyre, rreth 8,100 persona jetojnë në Sae (zgjidhje strehimi urgjente asokohe) ndërsa 38,000 persona marrin ndihme mujore që varion nga 600 deri në 1000 euro.
Më 24 gusht 2016 në 3.36 të mëngjesit, një tërmet i fortë goditi territoret e Abruzzo, Lazio, Marche dhe Umbria.
Tërmeti ishte i shkallës 6.0 ballë dhe epiqendrën e kishte në luginën e Trontos.
Bilanci është i tmerrshëm: 299 të vdekur, 365 të plagosur dhe dhjetëra mijëra njerëz të zhvendosur.
Vendet më të prekura janë Amatrice nel Lazio (237 të vdekur), Arquata del Tronto në Marche (51 të vdekur) dhe Accumoli në Lazio (11 të vdekur).
Dy muaj më vonë, më 30 tetor, një tronditje e re dhe e fuqishme me epiqendër midis bashkive Norcia dhe Preci, në provincën e Perugia, goditi përsëri Italinë Qendrore. Nuk pati viktima, por tërmeti me madhësi 6.5 ballë shkatërron banesat dhe ndërtesat e vjetra si Bazilika e San Benedetto në Norcia.
Mes viktimave, edhe shqiptari Erjon Toro, babai i dy vogëlusheve që në atë kohë ishin vetëm 5 e 3 vjec. Prej disa vitesh familja shqiptare jetonte në komunën e Amatrices dhe gjatë tërmetit mbetën të plagosur bashkëshortja e dy vajzat.
