Në suksesin e këngës “Kuq e zi je ti” ka patur jo pak rol të rëndësishëm edhe fraza e thënë nga Shakohoxha. E pamundur mos ta keni dalluar se shprehja që na e ngjeth mishin “Ai është flamuri më i bukur në botë” është thënë nga Shakohoxha, pasi droni u valëvit në ndeshjen Serbi-Shqipëri.
Gjejeni çfarë? Komentatori ynë i famshëm e shumë simpatik është shfaqur në një foto me kantautorin e “Kuq e zi je ti”, Flor Mumajesin. Përshtypje na bëri shënimi që Shakohoxha ka lënë në foto: “Po vjen momenti edhe për mua”. Do ketë një tjetër bashkëpunim, një tjetër këngë? Këtë herë për çfarë? Një sinjal erdhi. Ne po mbajmë frymën.
