Pas ngjarjeve të ditëve të fundit në SHBA ku prej armëve kanë gjetur vdekjen dhjetra njerez të pafajshëm, ka ardhur dhe reagimi i Presidentit Amerikan Donald Trump.
Gjatë një tubimi në New Hampshire, Trump tha se “Ne jemi duke punuar shumë për të hequr armët nga duart e njerëzve të çmendur dhe të sëmurët mendorë. Nuk janë armët që tërheqin këmbëzën por janë njerëzit që kanë armë”.
Trump nuk harroi të sulmojë dhe paraardhësin e tij teksa tha se “Vite më parë, shumë shtete për arsye buxhetore, mbyllën mjaftë qëndra riedukimi dhe spitale psikiatrik, duke i hedhur në rrugë njerëzit problematikë. Detyra jonë sot është të largojmë njerëzit e sëmurë mendorë nga rruga duke i drejtuar ata drejt qëndrave spitalore”.
Edhe në New Hampshire Presidenti amerikan i qëndroi besnik bindjes së tij për ligjin e armëve, duke theksuar se është e rëndësishme “që t’i qëndrojë besnik “Amandamentit të Dytë” i cili përcakton të drejtën e qytetarëve amerikanë të posedojnë armë zjarri.
