Një burrë 30 vjeçar me origjinë shqiptare është arrestuar nga policia spanjolle në Barcelonë, pasi akuzohet se qëlloi me thikë dy persona në dy sulme të veçanta.
Mediat spanjolle shkruajnë se shqiptari sulmoi viktimat e tij në rrethin e Nou Barris, në Barcelonë, ndërsa flinin pranë një strehimore.
Me fytyrën e mbuluar dhe i veshur me të zeza, ai sulmoi një burrë tunizian 42-vjeçar dhe një venezuelas 39-vjeçar që flinte pranë strehimores. Dy të plagosur kanë përfunduar në spital ku ndodhen jashtë rrezikut për jetën.
I arrestuari jetonte në një vend në zonë. Hetimi, i cili është ende i hapur, duhet të përcaktojë nëse të dy sulmet mund të kenë prejardhje raciste, megjithëse personi i arrestuar nuk ka asnjë lidhje me organizatat ksenofobike apo ekstremiste. I arrestuari do të paraqitet para drejtësisë të enjten, më 15 gusht.
Sulme pa dallime
Ngjarja e parë ndodhi natën e 23 korrikut kur një burri të pastrehë tunizian 42 vjeçar iu afrua në rrugë, për asnjë arsye të dukshme, një burrë i veshur me të zeza, me fytyrën e mbuluar dhe me thikë në dorë me të cilën provoi goditje në lartësinë e barkut.
Rezistenca e viktimës parandaloi sulmin e parë me thikë, por nuk mund të shmangej goditja e dytë, e cila i shkaktoi lëndime që kërkonin kujdes shëndetësor. Pas britmave të ndihmës nga viktima dhe prania e policisë, agresori u largua.
Sulmi ishte një element shqetësimi për hetuesit pasi gjithçka sugjeroi se kishte qenë plotësisht i rastësishëm.
Sulmi i dytë, i ngjashëm me atë të mëparshëm
“Mossosët” (policia lokale) kishin bërë përparime në identifikimin e autorit të agresionit kur një sulm i dytë me karakteristika të ngjashme u zhvillua në mëngjesin e 9 gushtit. Me këtë rast, viktima ishte një burrë i pastrehë nga Venezuela, 39 vjeçar, i cili flinte në rrugën afër qendrës. Sulmi u krye përsëri nga një burrë i veshur me të zeza me fytyrën e mbuluar dhe një thikë në dorë.
Në këtë rast, agresori u përpoq ta qëllonte në pjesën e zemrës por nuk arriti qëllimin. I sulmuari mbrohej me vendosmëri dhe britmat e tij alarmuan një dëshmitar, i cili thirri policinë. Sulmuesi u arratis pasi shkaktoi plagë me armë në krahët dhe këmbët e viktimës.
Duke pasur parasysh koincidencën e dukshme midis dy ngjarjeve, hetuesit identifikuan autorin e sulmeve, një burrë 30 vjeçar shqiptar
