Një prej vajzave që pretendon se ishte ‘joshur’ para rezidencës së Jeffrey Epstein në New York City, thotë se miliarderi financier, i cili sot raportohet se u gjet i pajetë në paraburgim, i tha asaj se ai duhej të kishte ‘tre orgazma në ditë’ dhe se kjo ishte për të diçka biologjike.
“Është çështje biologjike, si ngrënia,’ thuhet se Epstein i ka treguar Johanna Sjoberg.
Dëshmia e Sjoberg u zbulua pasi një gjykatë federale e apelit të Premten zbuloi rreth 2,000 faqe dokumente në lidhje me Epstein, financieri që përballet me akuzat e prostitucionit me dhjetëra vajza të mitura.
Dokumentet u publikuan nga Gjykata e 2-të e Apelit Circuit në Manhattan, si pjesë e një procesi gjyqësor për shpifje nga Virginia Giuffre, një nga akuzuesit e Epsteinit, kundër Ghislaine Maxwell, një mikeshë prej vitesh e Epsteinit, raporton “Daily Mail”, shkruan Panorama.
Mediat e huaja shkruajnë se 66 vjeçari, po mbahej në burg pasi u arrestua në 6 korrik.
Sipas “New York Post”, një gardian që mbante një burrë që dukej si Epstein rreth orës 7.30 të mëngjesit të sotëm u drejtua për në spitalin e New York Downtown. Një telefonatë për një arrest kardiak erdhi në orën 6.38, thanë burimet për “News York Post”.
Vdekja e Epsteinit vjen një ditë pasi dokumentet e pazbardhura ende në New York zbuluan shkallën e abuzimit të tij me vajza të reja në shtëpinë e tij në Palm Beach, New York dhe Ishujt e Virgjër.
AKUZAT
Jeffrey Epstein, një miliarder fondesh amerikane të investimeve, me lidhje të ngushta me politikanë dhe personalitete të famshëm, u akuzua disa javë më parë për drejtimin e një rrjeti seksual trafikimi që dyshohet se shfrytëzonte dhjetëra vajza të mitura.
Në aktpadi, Geoffrey Berman, një prokuror federal në Nju Jork, akuzoi zotin Epstein nën dyshime se u ka paguar vajzave qindra dollarë për masazhe nudo ose pjesërisht nudo që ” ishin gjithnjë e më shumë në natyrë seksuale” në banesën e tij në New East Side të Nju Jorkut dhe në Palm Beach të Floridas.
Prokurori tha se Epstein shpesh i paguante disa prej viktimave, të reja që nga mosha 14 vjeç, për të rekrutuar vajza të tjera të mitura, që ai gjithashtu i ka abuzuar nga viti 2002 deri në vitin 2005.
