Të paktën 13 njerëz janë vrarë dhe më shumë se një milion të tjerë janë detyruar të lënë shtëpitë e tyre ndërsa tajfuni i fuqishëm “Lekima” goditi Kinën.
Gjashtëmbëdhjetë njerëz gjithashtu janë raportuar të humbur pas një rrëshqitje të tokës nga stuhia.
“Lekima” goditi në orët e para të së shtunës në Wenling, midis Tajvanit dhe kryeqytetit financiar të Kinës, Shanghai.
Stuhia fillimisht u caktua një “super tajfun”, por u dobësua pak para rënies në tokë – kur ende kishte erëra 187 km / orë.
“Lekima” tani po ngadalëson rrugën drejt veriut përmes provincës Zhejiang dhe pritet të godasë Shanghain, që ka një popullsi prej më shumë se 20 milion.
Ekuipazhet e urgjencës kanë luftuar për të shpëtuar drejtuesit e automjeteve të bllokuar nga përmbytjet. Ndërkohë ka rrëzime të pemëve dhe ndërprerje të energjisë në disa zona.
Autoritetet kanë anuluar më shumë se një mijë fluturime dhe shërbimet e trenave ndërsa qyteti përgatitet për stuhinë.
Tajfuni pritet të dobësohet më tej para se të godasë Shanghain, por sërish rreziku mbetet i lartë nga përmbytjet e rrezikshme që mund të shkaktojë.
