Shefi i Kombeve të Bashkuara për të drejtat e njeriut ka kritikuar sanksionet e fundit të vendosura nga Shtetet e Bashkuara të Amerikës kundër Venezuelës duke thënë se ato do të intensifikojnë vuajtjet e miliona njerëzve atje.
Masat e njëanshme ngrinë të gjitha pasuritë e qeverisë së Venezuelës në SHBA dhe do të ndalojnë transaksionet tregtare. Sanksionet kanë për qëllim grupimin e disa lloje presionesh ndaj Presidentit Nicolás Maduro që të tërhiqet.
Por pas sanksioneve të SHBA-së ka ardhur edhe reagimi i Venezuelës e cila ka vendosur të ndërpresë negociatat me opozitën. Gjithashtu qeveria e Venezuelës ka dënuar mbështetjen që lideri i opozitës Juan Guaido i bëri sanksioneve të SHBA-së.
Në një deklaratë qeveria e Venezuelës shprehet: Kemi vëzhguar sesi lideri i opozitës feston, mbështet aksione të dëmshme ndaj vendit tonë. Sanksionet e SHBA-së janë veprime të dëmshme për sovranitetin e kombit tonë.
