Pas masakrës së El Pasos dhe Dejtonit, ku mbetën të vrarë 31 persona, më shumë se 200 kryetarë bashkish në SHBA, i kanë kërkuar Senatit të veprojë për të garantuar mbrojtjen nga armët e zjarri.
Kjo kërkesë ndaj Senatit amerikan erdhi pas kritikave se Kongresi nuk po arrin t’i përgjigjet ngjarjeve të njëpasnjëshme që lanë pas 31 të vdekur.
Kryetarët e bashkive me anë të një letre që u bë publike ditën e sotme, iu drejtuan udhëheqësit të maxhorancës në Senat, Mitch McConnell dhe udhëheqësit të demokratëve në Senat, Chuck Schumer.
Kryebashkiakët u shprehën se kombi nuk mund të presë më dhe se qeveria federale të ndërmarrë veprimet e nevojshme për të parandaluar njerëzit të cilët nuk duhet të kenë qasje tek armët e zjarrit, që të mos jenë në gjendje t’i blejnë ato.
Kryetarët e bashkive i kërkuan Senatit të votojë dy projektligje të miratuara më herët gjatë këtij viti nga Dhoma e Përfaqësuesve, të cilat zgjerojnë kontrollin në të shkuarën ndaj atyre që blejnë armë.
