Historia e një çifti të moshuarish që nuk do ta festojnë Krishtlindjen së bashku ka shkaktuar zemërim në gjithë Kanadanë.
Herbert Goodine, 91 vjeç, është lajmëruar se duhet të largohet nga institucioni i kujdesit shëndetësor, ku jeton me bashkëshorten e tij Audrey Goodine, 89 vjeç, dhe të shkojë në një shtëpi pleqsh.
“Vendimi është marrë nga autoritetet kanadeze, për shkak se i moshuari ka nevojë për një kujdes shëndetësor më të specializuar, pasi vuan nga dementia”, raporton BBC.
Por vendimi për ta transferuar të moshuarin vetëm disa ditë përpara Krishtlindjeve, është konsideruar absurd.
Vajza e çiftit të moshuar ka treguar se mori një telefonatë të premten nga departamenti provincial që mbikëqyr kujdesin afatgjatë dukei thënë se babai i saj, shëndeti i të cilit ka rënë së fundmi, duhet të zhvendoset në një shtëpi me kujdes më të avancuar.
Kërkesa e vajzës për të shtyrë procedurat të paktën një javë, në mënyrë që prindërit e saj t’i kalonin sërish Krishtlindjet së bashku, u refuzua nga autoritetet kanadeze.
Kështu, dy të moshuarit do të qëndrojnë për herë të parë të ndarë pas 69 vjet martese dhe katër vjet të tjera bashkëjetese. Plot 73 vjet së bashku.
